काठमाडौं – नायक सुशील श्रेष्ठलाई एक्स अवतारमा प्रस्तुत गरिने भनिएको फिल्म ‘परिवर्तन’को पोस्टर सार्वजनिक भएको छ ।

निर्माण पक्षले घटस्थापनको अवसर पारेर सोमबार पोस्टर सार्वजनिक गरेको हो ।

पोस्टरमा सुशीललाई एक्सन अवतारमा प्रस्तुत गरिएको छ । उनको अनुहारमा चोट देखिन्छ । अनुसारमा रगतको छिट्टा छ ।

उनले हातमा तरबार लिएका छन् । पृष्ठभूमिमा उनले नेता जस्ता देखिने केही व्यक्तिहरुको बाटो छेकेको देख्न सकिन्छ । तर उक्त दृश्य भने प्रष्ट छैन ।

यही पोस्टरमार्फत् फिल्मको प्रदर्शन मिति माघ ९ लाई तोकिएको छ । यस फिल्ममा सुशील र नायिका अञ्जना बराइली शीर्ष भूमिकामा रहेका छन् ।

सस्पेन्स र एक्सन मिश्रित यो फिल्मको लेखक दीपक सिवाकोटी हुन् । यसको निर्माता पनि सिवाकोटी नै हुन् ।

दिब्यासी फिल्मस्को ब्यानरमा यो फिल्म बनेको हो ।