सिंगापुर – सिंगापुरको तथ्यांक विभागका अनुसार, सिङ्गापुरको उपभोक्ता मूल्य सूचकांक (सीपीआई)सन् २०२५ को पहिलो छ महिनामा अघिल्लो वर्षको सोही अवधिको तुलनामा ०.९ प्रतिशतले वृद्धि भएको छ । यो वृद्धि सन् २०२४ को दोस्रो छ महिनाको १.८ प्रतिशत वृद्धिको तुलनामा कम हो ।

आय समूह अनुसार हेर्दा, न्यूनतम २० प्रतिशत र मध्यम ६० प्रतिशत आय भएका घरपरिवारका लागि मुद्रास्फीति ०.८ प्रतिशत थियो भने उच्च २० प्रतिशत आय समूहका लागि १.२ प्रतिशत थियो । यी सबै दर सन् २०२४ को दोस्रो छ महिनाको तुलनामा घटेका छन् ।

मुल्यवृद्धिमा मुख्य योगदान दिने क्षेत्रहरूमा बसोबास, स्वास्थ्य बीमा, खाना तथा मोटर गाडी रहेका छन् । यद्यपि, विदाको खर्च कम हुनु र विद्युत् शुल्क घट्नुले मुद्रास्फीति केही हदसम्म कम गरेको देखिएको छ ।