काठमाडौं – निर्देशक प्रियदर्शनले आफ्नो नयाँ बलिउड फिल्म  ‘हैवान’ को औपचारिक घोषणा गर्दै दर्शकहरूलाई सरप्राइज दिएका छन्। 

उनले यो फिल्ममा अभिनेता अक्षय कुमार र सैफ अली खानलाई पुनः एकसाथ पर्दामा ल्याउने जानकारी दिएका हुन्। मंगलबार अक्षय र सैफको तस्बिर साझा गर्दै प्रियदर्शनले इन्स्टाग्राममार्फत फिल्मको घोषणा गरेका थिए ।

 यद्यपि  ‘हैवान’ को कथावस्तु अहिले गोप्य राखिएको छ, तर फिल्मको स्टारकास्टकै कारण यो परियोजना पहिले नै चर्चाको शिखरमा छ।

अभिनेता अक्षय कुमार र सैफ अली खानको जोडी बलिउडमा निकै सफल छ। उनीहरूले अघिल्लो दशकमा  ‘मैं खिलाडी तू अनारी’, ‘ये दिल्लगी’, ‘तू चोर मैं सिपाही’, ‘आरजु  किमत’ जस्ता हिट फिल्महरूमा एकसाथ काम गरिसकेका छन् । उनीहरू अन्तिमपटक सन् २००८ को फिल्म ‘टशन’ मा देखिएका थिए। 

अभिनेता अक्षय कुमार हाल प्रियदर्शनकै अन्य दुई फिल्म ‘भूत बंगला’ र बहुप्रतीक्षित ‘हेरा फेरी – ३’ मा पनि काम गर्दै छन् । यता अभिनेता सैफ नेटफ्लिक्सको ‘ज्वेल थिप’ लगायत ‘आदिपुरुष’ र ‘देवरास् पार्ट १’ मा देखिइसकेका छन्।