काठमाडौं– बेरोजगार युवायुवतीलाई आकर्षक तलबको प्रलोभनमा पारी रोजगारीको लागि अल्बानिया हुँदै ग्रिस लैजाने भन्दै झुक्याएर विदेश नपठाई सम्पर्कविहीन भएको आरोपमा एक जना पक्राउ परेका छन् ।
पक्राउ पर्नेमा गोरखा घर भई काठमाडौं बस्ने २९ वर्षीय राजेश बराम रहेका छन् । उनीमाथि ४ जना पीडितहरूबाट ३७ लाख रुपैयाँ ठगी गरेको आरोप छ ।
उनलाई पीडितले दिएको जाहेरी अनुसार काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले आइतबार सोह्रखुट्टेबाट पक्राउ गरेको हो ।
उनीमाथि थप अनुसन्धान तथा आवश्यक कारबाहीको लागि जिल्ला प्रहरी परिसर, भद्रकाली पठाइएको प्रहरीले जनाएको छ ।
प्रतिक्रिया