काठमाडौं– जलविद्युत कम्पनीले बिजुली उत्पादन सुरु नगरीकन शेयर निष्कासन गर्न नपाउने गरी कानुनी व्यवस्था गर्ने तयारी सरकारले गरेको छ । आर्थिक सुधार सुझाव कार्ययोजना, २०८२ जारी गर्दै सरकारले सो जनाएको हो ।
‘जलविद्युत कम्पनीहरूलाई उत्पादन सुरु गरेपछि मात्र प्राथमिक शेयर निष्कासन गर्न सक्ने व्यवस्था गर्ने’, कार्ययोजनामा उल्लेख छ । कार्ययोजनामा आगामी दुई वर्षभित्रमा सो व्यवस्था लागू गरिसक्ने विषय पनि उल्लेख गरिएको छ ।
सरकारले स्वीकृत गरेर ल्याएको कार्ययोजनासँगै नेपाल धितोपत्र बोर्डमा प्राथमिक शेयर जारी गर्न पाइपलाइनमा भएका ठूलो संख्याका जलविद्युत कम्पनी प्रभावित हुने देखिएको छ ।
प्रतिक्रिया