काठमाडौं– शर्मिला वाइबा (राई) लाई आक्रमण गरेको आरोपमा प्रहरीले दुई जनालाई पक्राउ गरेको छ । पक्राउ पर्नेमा मकवानपुर घर भई काठमाडौं बस्ने ३५ वर्षीय शर्मिला श्रेष्ठ भन्ने शर्मिला राई र चाँगुनारायण बस्ने ४२ वर्षीय बाबु भन्ने कुवेर सिलवाल रहेका छन् । 

वैशाख ३ गते बुलुका ५ बजे गोठ्ठाटार पहेँलो पुल नजिकै मन्दिर अगाडी शर्मिला वाईवालाई ज्यान मार्ने उद्देश्यले फलामको रड प्रहार गरी गम्भीर घाइते बनाएको भनी प्रहरी वृत्त बानेश्वर काठमाडौंमा ज्यान मार्ने उद्योग कसूरमा जाहेरी दरखास्त दर्ता भएपछि उनीहरूलाई काठमाडौं जिल्ला अदालतबाट पक्राउको आदेश दिएको थियो । 

वारदात पश्चात् फरार रहेका उनीहरूमा शर्मिलालाई ललितपुर महालक्ष्मीबाट र कुवेरलाई भक्तपुर चाँगुनारायणबाट काठमाडौं उपत्यका अपराध अनुसन्धान कार्यालयबाट खटेको टोलीले पक्राउ गरेको हो । 
 
उनीहरूमाथि थप अनुसन्धान तथा आवश्यक कारबाहीको लागी प्रहरी वृत्त बानेश्वर पठाइएको प्रहरीले जनाएको छ ।