काठमाडौं– काठमाडौं महानगरपालिकाका वडा अध्यक्षहरुले मेयर बालेन्द्र शाह (बालेन) लाई कार्यपालिका बैठक बोलाउन भन्दै पत्र बुझाएका छन् । 

महानगर प्रवक्तासमेत रहेका १७ नम्बरका अध्यक्ष नवीन मानन्धरलगायत १८ वडाध्यक्षले कार्यपालिका बैठकको माग गर्दै ज्ञापन पत्र बुझाएका हुन् । 

महानगरमा प्रमुख प्रशासकीय अधिकृत नहुँदा कार्य प्रगति शून्य भएकाले गर्दा मेयरलाई कार्यपालिका बैठक बोलाएर त्यसको समीक्षा गर्ने पत्र बुझाएको मानन्धरले खबरहबसँग बताए । 

‘हामीले महानगरमा प्रशासकीय अधिकृत नहुँदा हाम्रो कार्य प्रगति शून्य भयो त्यसको समीक्षा कार्यपालिकामा गरौँ भनेर भनेका हौँ’, मानन्धरले खबरहबसँग भने, ‘कार्यपालिकाबाट समाधानका उपायहरू खोज्न हामीले माग गरेका हौँ ।’