सुर्खेत– जाजरकोटमा सुख्खा पहिरो जाँदा चार जना घाइते भएका छन् । जाजरकोटको नलगाड नगरपालिका–१०, घ्यारगाउँमा सुख्खा पहिरो जाँदा चार जना घाइते भएका हुन् ।
आइतबार बिहान विश्व खाद्य कार्यक्रमको आर्थिक सहायतामा सञ्चालित खानेपानी परियोजनामा गिट्टी कुट्ने कार्य भइरहेको बेला माथिबाट अचानक आएको सुख्खा पहिरो खस्दा चार जना मजदुरहरू घाइते भएका छन् ।
पहिरोमा परी घाइते हुनेहरूमा ५० वर्षीया कलधरी नेपाली, ४५ वर्षीया डम्मरीकुमारी बोहरा, ४५ वर्षीया लाल सरी नेपाली र ३० वर्षीया कमला बिक रहेका जिल्ला प्रहरी जाजरकोटका प्रहरी प्रमुख पुरुषोत्तम प्रसाद पाण्डेले बताए ।
घाइतेको जाजरकोट जिल्ला अस्पतालमा उपचार भइरहेको छ ।
प्रतिक्रिया