काठमाडौं – दीपक आचार्य ‘काकु’ को डेब्यू निर्देशन रहेको फिल्म ‘परान’ हेर्न ६ लाख २५ हजार ६२५ वटा टिकट बिक्री भएको छ ।
चलचित्र विकास बोर्डले साप्ताहिक ब्रिफिङमार्फत् यसबारे जानकारी दिएको हो ।
बोर्डका अनुसार यो फिल्मले कात्तिक १४ देखि पुस ५ सम्म १७ करोड ६१ लाख ग्रस कलेक्सन गरेको छ ।
यससँगै ‘परान’ आधिकारिक रुपमा सर्वाधिक ग्रस कलेक्सन गर्ने चौथो फिल्म बनेको छ । यसअघि चौथो स्थानमा रहेको ‘छक्का पञ्जा ४’लाई यसले उछिनेको हो ।
‘छक्का पञ्जा ४’को ग्रस कलेक्सन १७ करोड ५३ लाख छ ।
’परान’मा कलाकार नीर शाह शीर्ष भूमिकामा छन् । नायकहरु प्रवीण खतिवडा, महेश त्रिपाठी, नायिकाहरु केकी अधिकारी र अञ्जना बराइली मुख्य भूमिकामा रहेका छन् ।
प्रतिक्रिया