काठमाडौं – आर्सनलले एट्लेटिको माड्रिडमाथि सहज जित निकालेको छ। आर्सनलले च्याम्पियन्स लिगमा अपराजित यात्रालाई निरन्तरता दिएको हो।
एमिरेट्स स्टेडियममा आर्सनलले एट्लेटिकोलाई ४-० गोल अन्तरले हराएको हो। नयाँ सिजनमा अनुबन्धित विक्टर जियोकेरेसले लगातार तीन मिनेटभित्र दुई गोल गर्दै आर्सनललाई बलियो स्थानमा पुर्याएका हुन्।
खेलमा ग्याब्रिएल म्यागालेस र ग्याब्रिएल मार्टिनेलीले पहिलो हाफमै गोल गर्दै आर्सनललाई २-० को अग्रता दिलाएका थिए। दोस्रो हाफमा जियोकेरेसका दुई गोलले आर्सनलले सानदार जित दर्ता गरेको हो।
आर्सनल अंक तालिकामा तेस्रो स्थानमा छ। समान अंक भए पनि गोल अन्तरका कारण पेरिस सेन्ट-जर्मेन (पीएसजी) र इन्टर मिलानभन्दा अर्सनल पछाडि परेको हो।
प्रतिक्रिया