काठमाडौँ- नवनियुक्त शिक्षा, विज्ञान तथा प्रविधिमन्त्री महावीर पुनले आफू मन्त्रालयमै सुत्ने र त्यहीँ पकाएर खाने बताएका छन् ।

सोमबार केशर महलमा मन्त्रीका रुपमा पद तथा गोपनीयताको शपथग्रहणपछि मन्त्री पुनले यस्तो बताएका हुन् ।

उनले आफू किताब बेच्दै गर्दा मन्त्री भएको भन्दै अहिले नै के-के योजना छन् भनेर नसोध्न पनि पत्रकारहरूलाई भने ।

आफू विज्ञान तथा प्रविधिको क्षेत्रमा काम गरेको मान्छे भएकाले नयाँ आविष्कार गर्ने र शिक्षालाई पनि सुधार गर्ने प्रतिबद्धता उनले जनाए ।

उनले अहिले पनि आफूले युवाहरूलाई सन्देश दिँदा कसैको पुच्छर भएर वा कसैलाई सोधेर भन्दा आफ्नो विवेकमा काम गर्न सुझाएको बताए ।

तर, आफूले युवाहरूलाई जेसुकै गर वा सुतेर बस नभनेको पनि बताएका छन् ।