काठमाडौं – असोज ३१ लाई प्रदर्शन मिति तोकिएको फिल्म ‘जेरी अन टप’मा समावेश गीत ‘कस्तुरी’ सार्वजनिक भएको छ । निर्माण पक्षले घटस्थापनाको अवसर पारेर सोमबार गीत सार्वजनिक गरेको हो ।

गीतको भिडियोमा नायक अनमोल केसी र नायिका आँचल शर्मा मात्रै फिचर्ड छन् । यस भिडियोलाई निकै सुन्दुर लोकेसनमा कैद गरिएको छ ।

निर्माण पक्षका अनुसार मुस्ताङ र भारतको राजस्थानमा यसको छायाङ्कन गरिएको हो ।

भिडियोमा आँचल र अनमोल प्रेम जोडीका रुपमा प्रस्तुत भएका छन् । उनीहरु दुवैलाई रोमान्टिक भावमा प्रस्तुत गरिएको छ ।

किरण थापाको कोरियोग्राफीमा भिडियो तयार भएको हो ।

गीतमा आशिष गुवाजु र सदिक्षा कट्टेलले स्वर दिएका छन् । जयन जे वाइबाको शब्द र संगीत रहेको छ ।

‘जेरी अन टप’ सुयोग गुरुङको निर्देशनमा तयार भएको हो । यसमा नायिका जसिता गुरुङ, केदार घिमिरे ‘माग्ने बूढा’, भुवन केसी र उषा खड्कीको पनि अभिनय रहने बताइएको छ ।

नायिका सुरक्षा पन्त पनि यस फिल्ममा विशेष भूमिकामा रहेकी छन् ।

सरोज न्यौपानेको प्रस्तुतिमा बनेको यस फिल्मको निर्माताहरु रोविन शेरचन, रामकृष्ण श्रेष्ठ र दीपक भण्डारी हुन् । कथा हेमराज बीसीको हो ।

गीतको भिडियो :