काठमाडौं– राष्ट्रिय स्वतन्त्र पार्टी (रास्वपा) ले केन्द्रीय समिति बैठक बोलाएको छ । बैठक मङ्गलबार बिहान ८ बजे पार्टी केन्द्रीय कार्यालय वनस्थलीमा बस्ने प्रवक्ता मनिष झाले जानकारी दिए । 

उनका अनुसार केन्द्रीय समिति बैठकका लागि सात मुख्य एजेण्डा तय गरिएको छ । बैठकका एजेण्डामा समसामयिक अवस्था, प्रदेश बैठकहरूबाट प्राप्त विवरण प्रस्तुत, परिवर्तित अवस्थामा केन्द्रीय सदस्यहरूको धारणालगायत विषय छन् ।

रास्वपा केन्द्रीय समिति बैठकमा छलफलका विषय यस्ता छन्–
१) समसामयिक अवस्था र बैठक बारे ।
२) प्रदेश बैठकहरूबाट प्राप्त विवरण प्रस्तुत (सभापतिहरूको तर्फबाट) ।
३) परिवर्तित अवस्थामा केन्द्रीय सदस्यहरूको धारणा ।
४) पार्टी सङ्गठन एवं विभाग सम्बन्धमा ।
५) आगामी प्रतिनिधिसभा सदस्य निर्वाचन रणनीति सम्बन्धमा ।
६) पार्टीको ऐतिहासिक महाधिवेशन सम्बन्धमा ।
७) विविध ।