काठमाडौं– नेपाली कांग्रेसका नेता डा. शेखर कोइरालाले शिक्षा क्षेत्रको सुधारका लागि सबै पक्ष गम्भीर हुनुपर्ने बताएका छन् । 

शुक्रबार काठमाडौंमा ज्ञानज्योति महिला माध्यमिक विद्यालयको वार्षिकोत्सव समारोहमा कोइरालाले शिक्षा नै सबैभन्दा महत्त्वपूर्ण कुरा भएकाले शिक्षा क्षेत्रको सुधारका लागि सबै पक्ष गम्भीर हुनुपर्ने बताए ।

उनले सामुदायिक शिक्षालाई राम्रो बनाउन सरकारमा बस्नेदेखि ऐन कानुन बनाउनेहरूले ध्यान दिनुपर्ने उल्लेख गरे । कार्यालय सहायक भन्दा पनि शिक्षकको तलब कम रहेकाले शिक्षकलाई राम्रो तलब नदिएसम्म शिक्षा क्षेत्र राम्रो बन्न नसक्ने उनले बताए ।

कोइरालाले देशको आर्थिक अवस्था कमजोर रहे पनि शिक्षामा विशेष ध्यान दिनुपर्ने उल्लेख गरे ।