काठमाडौं- नेकपा एमालेको जारी केन्द्रीय कमिटी बैठकमा बोल्न नदिएपछि स्थायी कमिटी सदस्य कर्णबहादुर थापाले आपत्ति जनाएका छन् ।

थापाले बोल्न समय मागेपछि अध्यक्ष केपी शर्मा ओलीले नदिएको स्रोतले जनाएको छ ।

समय माग्दा नदिएर ओलीले केन्द्रीय कमिटी बैठक समापन गर्न खोज्दा थापाले आपत्ति प्रकट गरेका हुन् । उनको आपत्तिबीच ओलीले अहिले समापन भाषण गरिरहेका छन् ।

एमालेको जारी नवौँ केन्द्रीय कमिटी बैठकमा १ सय ८० जना केन्द्रीय सदस्यले आफ्नो धारणा राखे ।

केन्द्रीय सदस्यहरूले धारणा राखेपछि आयोगका अध्यक्षहरूले बोले । उनीहरूले बोलिसकेपछि प्रतिवेदन प्रस्तुत गर्ने नेताहरूले प्रश्नहरूको जवाफ दिए ।

आयोगका अध्यक्षहरूलाई बोल्नको लागि ७ मिनेटको समय दिइएको थियो । तीनवटा आयोगका अध्यक्षहरूले आफ्नो धारणा राखेपछि नेताहरूले बैठकमा उठेका प्रश्नको जवाफ दिने कार्यक्रम थियो ।