काठमाडौं– आयोनले ‘द एक्स्ट्राअर्डिनरी अफर’ नामक प्रोमोशनल अफर सार्वजनिक गरेको छ । उक्त अफरअन्तर्गत ग्राहकले आयोन गाडी किन्दा ८ लाख रुपैयाँसम्मको छुट पाउन सक्नेछन् । 

यस अफरले प्रिमियम इलेक्ट्रिक गाडीहरूलाई अझ सुलभ बनाउनुका साथै नेपालको स्वच्छ र दिगो भविष्य निर्माणतर्फको आयोनको दृष्टिकोणलाई सुदृढ गर्ने कम्पनीको विश्वास छ । मूल्य छुटको अतिरिक्त ग्राहकले अन्य थप सुविधा पनि पाउने कम्पनीद्वारा जारी विज्ञप्तिमा उल्लेख गरिएको छ । 

कम्पनीका अनुसार अफरअन्तर्गत ग्राहकले ६.६४ प्रतिशतको न्यूनतम ब्याजदरमा ऋण सुविधा, ४८ कार्य घण्टाभित्र ऋण प्रक्रिया सम्पन्न, र ७ वर्षसम्मको लोन अवधि पाउनेछन् । 

कम्पनीका अनुसार प्रत्येक खरिदमा ६.६ किलोवाटको होम चार्जर र ३.३ किलोवाटको ट्राभल चार्जर, एक वर्षको सवारी कर र बीमा  उपलब्ध हुनेछ । साथसाथै, आकर्षक एक्सचेन्ज बोनस र ब्ल्याक एन्ड डेक्केर ब्रान्डको भ्याकुम क्लिनर तथा कार वासर पनि उपहार स्वरूप प्रदान गर्ने कम्पनीले जनाएको छ ।