काठमाडौं – ‘पूर्णबहादुरको सारङ्गी’का निर्देशकको दोस्रो फिल्म ‘कोशेढुङ्गा’को नयाँ गीत सार्वजनिक भएको छ ।

निर्माण पक्षले सोमबार सुन्धारस्थित एक फिल्म हलमा कार्यक्रमको आयोजना गरी फिल्ममा सामावेश ‘नत्र भने जिन्दगी व्यर्थ छ जिन्दगी’बोलको तीज गीत सार्वजनिक गरेको हो ।

गीतको भिडियोमा फिल्मका शीर्ष तीन नायिका ऋचा शर्मा, सुरक्षा पन्त र नीति शाहको नृत्य देख्न सकिन्छ । ‘डान्सिङ’ गीतको भिडियोमा दजनौं कोरसलाई नचाइएको छ ।

यस गीतमा गायक खेम सेञ्चुरी, गायिकाद्वय समीक्षा अधिकारी र दीपिका मगरको स्वर रहेको छ ।

निर्देशक सरोज पौडेलले यो तीजका लागि गीत विशेष कोसेली बन्ने विश्वास राखे । उनले भने, ‘यो गीत नाच्न मिल्ने र राम्रो बनेको छ । आशा छ दिदीबहिनीहरुले यो गीतमा नाँच्दै तीज मनाउनु हुनेछ ।’

नायिका सुरक्षा पन्तले पनि यो गीतले तीजलाई विशेष बनाउने आशा व्यक्त गरिन् ।

यो गीतमा नेत्र अर्यालको शब्द छ भने हुकलाइन खेम सेन्चुरीको छ । संगीतकार खेम सेन्चुरी नै हुन् ।

‘कोशेढुङ्गा’ भदौ १२ गते रिलिज हुँदै छ । नरदेवी फिल्मसको प्रस्तुति र सारंगी फिल्मस्को सहकार्यमा बनेको यस फिल्मका नायक आर्यन सिग्लेल हुन् ।

गीत :