काठमाडौं – गायक दुर्गेश थापाको लोकप्रिय गीत ‘दुश्मन हेरेको हेर्यै’ युट्युबमा १० करोड पटक हेरिएको छ। यो उपलब्धिको सन्दर्भमा प्रधानमन्त्री केपी शर्मा ओलीले दुर्गेशलाई सामाजिक सञ्जालमार्फत् बधाई दिएका छन्।
आइतबार साँझ ओलीले आफ्नो आधिकारिक फेसबुक पेजमा दुर्गेशको तस्वीर पोस्ट गर्दै लेखेका छन्, “आजको नयाँ पुस्ताले फरक स्वादका गीतसंगीतप्रति देखाएको रुचि ‘दुश्मन हेरेको हेर्यै’ को भ्युवर संख्याबाट स्पष्ट हुन्छ। पाँच महिनामै १०० मिलियन अर्थात् १० करोड पटक हेरिएको यो गीतका सर्जक दुर्गेश थापालाई हार्दिक बधाई !”
यो गीत सामाजिक सञ्जालमा भाइरल बनेको थियो। विशेष गरी युवा दर्शकमाझ लोकप्रिय रहेको यस गीतमा थापाको शब्द, संगीत र स्वर छ ।
प्रतिक्रिया