काठमाडौँ – अख्तियार दुरुपयोग अनुसन्धान आयोगले पशुपति क्षेत्र विकास कोषका सदस्य सचिव डा. मिलनकुमार थापा, तत्कालीन सदस्य सचिव तथा हाल परिषद् सदस्य राजुकुमार खत्री, तत्कालीन कार्यकारी निर्देशक डा। घनश्याम खतिवडासमेत १४ जना र दुई कम्पनीविरुद्ध भ्रष्टचार मुद्दा दायर गरेको छ ।

पशुपति क्षेत्र विकास कोषरसार्वजनिक संस्थाको सम्पत्ति हिनामिनारहानीनोक्सानी गरी गराई भ्रष्टाचार गरेको अभियोगमा अख्तियारले आज (आइतबार) विशेष अदालतमा आरोपपत्र दायर गरेको हो ।

थापा लगायतले बोलपत्रको मूल्याङ्कनमा प्रतिस्पर्धा सीमित गराएको, आपसी मिलोमतो तथा योजनामा आफूहरूलाई लाभ र पशुपति क्षेत्र विकास कोषरसार्वजनिक संस्थालाई हानि नोक्सानी पुर्‍याउने वदनियतले कोषमा भएका पूर्व अनुभव र कागजातहरूको प्रयोग समेत नगरी पशुपति क्षेत्र विकास कोषको लागि विद्युतीय शवदाह गृह जडान लगाएत काममा अनियमितता गरेको आरोपपत्रमा उल्लेख छ ।

कोषलाई ठेक्का सम्झौता रकम १० करोड ३३ लाख ९१ हजार ३० रुपैयाँ ३१ पैसा हिनामिना हानिनोक्सानी दुरुपयोग गरेरगराएकाले प्रतिवादीहरू उपर सजाय मागवादी लिई आज आरोपपत्र दायर गरेको हो ।