काठमाडौं– राष्ट्रिय स्वतन्त्र पार्टीका प्रवक्ता मनिष झाले सत्तापक्षले आफूहरूको कुरा नसुनेकाले सत्तापक्ष सांसदले बोल्दा आफूहरूले सदन बहिष्कार गरेको बताएका छन् ।
आइतबार संसद् भवन नयाँ बानेश्वरमा सञ्चारकमीसँग कुरा गर्दै प्रवक्ता झाले विरोधकाबीच आफूहरूले अन्य सबै सांसदको कुरा सुनेको तर सत्तापक्ष सांसदले बोल्न थालेपछि आफूहरूले बैठक बहिष्कार गरेको बताएका हुन् ।
सत्तापक्षले रास्वपाले उठाएका विषयलाई नसुनेसम्म उनीहरूको कुरा नसुन्ने उनको भनाइ छ । उनले सरकारले दुई तिहाइको दम्भ देखाउँदै लुटेर राज्य चलाई रहन्छौँ भन्ने किसिमको जवाफ दिई राखेको उल्लेख गरे।
उनले सरकारले ल्याएको बजेटप्रति समेत रास्वपाको असन्तुष्टि रहेको बताए ।
प्रतिक्रिया