काठमाडौं–  ६१ किलो सुनकाण्डमा पक्राउ परेकी अमला रोकालाई सरकारी वकिलसमक्ष पेश गरिएको छ

आजै सरकारी वकिल कार्यालयमार्फत अदालत उपस्थित गराइएकी उनको बयान सकेर थुनछेक बहस गर्ने तयारी गरिएको छ ।
 
उनलाई नेपाल प्रहरीको केन्द्रीय अनुसन्धान ब्यूरो (सीआइबी) ले त्रिभुवन अन्तरराष्ट्रिय विमानस्थलबाट भन्सार राजस्व जाँच पास गरेर बाहिरिएको ६१ किलो सुन तस्करी प्रकरणमा गत शुक्रबार काठमाडौंको टोखाबाट पक्राउ गरेको थियो ।  

राजस्व अनुसन्धान विभागले २०८० साउन २ गते त्रिभुवन अन्तरराष्ट्रिय विमानस्थलबाट भन्सार राजस्व जाँच पास गरेर बाहिरिएको ६१ किलो सुन बरामद गरेको थियो ।

पक्राउ परेकी रोका उक्त ६१ किलो सुनकाण्डमा मुछिएका बेल्जियम नागरिक दाबा छिरिङकी श्रीमती भएको र काठमाडौंको ठमेलस्थित होटेल भियना उनको नाममा दर्ता भएको बताइएको छ ।

यो पनि पढ्नुहोस् :

६१ किलो सुन तस्करी प्रकरण : पक्राउ परिन् अमला रोका