काठमाडौं– शेयर कारोबारमा साताको अन्तिम दिन आज नेपाल स्टक एक्सचेञ्ज (नेप्से) बढ्न पुगेको छ । आजको शेयर कारोबारमा नेप्से १९.०४ अंकले बढेर २६८८.५५ अंकमा पुगेको हो ।

आज नेप्सेमा नौ अर्ब ८२ करोड २० लाख ७० हजार रुपैयाँको कारोबार हुँदा एक सय चार वटा कम्पनीको शेयर मूल्य बढ्यो भने एक सय ४२ वटा कम्पनीको शेयर मूल्य घट्यो । त्यस्तै आजको शेयर कारोबारमा एउटा कम्पनीको शेयर मूल्य भने स्थिर रह्यो ।

आजको शेयर कारोबारमा बैंकिङ, लघुवित्त, म्युचुअल फन्ड र निर्जीवन बीमा कम्पनीको सुचकांकमा वृद्धि भएको छ भने अन्य सूचकांक घट्न पुगेको छ ।

आज नेप्सेमा भएको शेयर कारोबारमा ओम मेगाश्री फार्मेस्युटिकल्स कम्पनीको शेयर कारोबार गर्नेले सबैभन्दा धेरै आम्दानी गरे भने बाराही हाइड्रोपावर कम्पनीको शेयर कारोबार गर्नेले सबैभन्दा धेरै गुमाएका छन् ।