काठमाडौं– तपाईँले याद गर्नु भएको छ, विवाह अघि दुब्लो पातलो मानिस पनि विवाहपछि मोटाउने गर्दछन् । अधिकांश विवाहितहरू विवाह अघिको दाँजोमा मोटोपन बढेको हुन्छ । तर किन ?

बिहेपछि अचानक मानिसको तौल वृद्धि हुनुमा खानपान र जीवनशैली प्रमुख कारण हो । विवाहित दम्पती अविवाहितको दाँजोमा राम्रो खाना खान्छन् ।

विवाहअघि मानिसहरू विवाहितको जस्तो सन्तुलित र समयमा भोजन गर्दैनन् । तर विवाहपछि उनीहरूको भोजनको समय र खाने परिकार पनि बदलिन्छ । जसले बिस्तारै मोटोपन बढ्दै जान्छ ।

साथै विवाहपछि मानिसको दौडधुप, खेलकुद, व्यायामको गतिविधि पनि कम हुन्छ । जसले उनीहरूमा तौल वृद्धि गराउँछ ।

अनुसन्धानकर्ताहरूले दाबी गरेका छन् कि विवाहपछि पुरुषको तौल बढ्न थाल्छ र मोटोपनाको सिकार बन्न थाल्छ । रोचक कुरा के छ भने विवाहपछि महिलाको तौलमा खासै परिवर्तन हुँदैन । यस अनुसन्धानमा पुरुषका बारेमा अन्य धेरै रोचक कुराहरू बताइएका छन् । 

डेली मेलको रिपोर्टअनुसार चीनमा गरिएको एक अध्ययनले विवाहपछि पुरुषहरू मोटा र अल्छी हुने कुरा पुष्टि गरेको छ । अनुसन्धानकर्ताहरुले विवाह गरेको ५ वर्षभित्रै पुरुषको तौल बढ्न थालेको पत्ता लगाएका छन् । यस अवधिमा उनीहरू क्यालोरीयुक्त खाना बढी खान्छन् र कम व्यायाम गर्छन् ।

अनुसन्धान गरिरहेका वैज्ञानिकका अनुसार विवाहले पुरुषको बडी मास इन्डेक्स (बीएमआई) मा ठूलो प्रभाव पारेको छ । विवाहपछि ५.२ प्रतिशत पुरुषको तौल बढी हुन्छ भने मोटोपनको दर २.५ प्रतिशतले बढ्छ । विशेष कुरा के छ भने अनुसन्धानमा महिलामा यस्तो परिवर्तन भएको कुनै प्रमाण भेटिएन । -विभिन्न सञ्चारमाध्यमको सहयोगमा