काठमाडौं– पार्टीको विशेष महाधिवेशन गर्नुपर्ने माग उठिरहेका बेला माओवादी केन्द्रका अध्यक्ष पुष्पकमल दाहाल (प्रचण्ड) बोलेका छन् । पार्टी पदाधिकारी बैठकमा प्रचण्डले पार्टीको विशेष महाधिवेशन मङ्सिरसम्ममा गर्ने प्रस्ताव गरेका छन् । 

आइतबार पार्टी कार्यालय पेरिसडाँडामा सुरु भएको पदाधिकारी बैठकमा प्रचण्डले आगामी मङ्सिरमा पार्टीको विशेष महाधिवेशन गर्ने प्रस्ताव गरेको पार्टी सचिव देवेन्द्र पौडेलको भनाइ छ । 

प्रचण्डको प्रस्तावमा केन्द्रदेखि तल्लो स्तरसम्मको सबै समितिहरू भङ्ग गर्ने समेत भनिएको छ ।  प्रचण्डले बैठकमा जेन-जी आन्दोलन र यसले उठाएका प्रश्नहरूको विषयमा पनि कुरा गरेका थिए । 

पछिल्लो समय ठूला दलहरूमा नेतृत्व हस्तान्तरण र पुस्तान्तरणको बहस चलेपछि प्रचण्ड गलेको देखिन्छ । 

विशेष महाधिवेशनको माग गर्दै पार्टी उपमहासचिव जनार्दन शर्मा ,सचिव राम कार्की लगायतले चर्को आवाज उठाइरहेका थिए।