काठमाडौं– सिटी होटल लिमिटेडले हकप्रद शेयर निष्काशन गर्ने भएको छ। कम्पनीले भदौ २३ गतेदेखि हकप्रद शेयर निष्काशन गर्ने भएको हो।

कमपनीले चुक्ता पूँजीको ८० प्रतिशत हकप्रद शेयर निष्काशन गर्ने भएको छ। कम्पनीले हाल कायम १० कित्ता शेयर बराबर नयाँ ८ कित्ता अनुपातमा हकप्रद शेयर जारी गर्न लागेको हो।

कम्पनीले एक अर्ब ३३ करोड ९२ लाख रुपैयाँ बराबरको प्रतिशेयर १०० रुपैयाँ अंकित मूल्यका एक करोड ३३ लाख ९२ हजार कित्ता हकप्रद शेयर बिक्री गर्ने छ।

कम्पनीले साउन २७ गते एक दिनका लागि बुक क्लोज गरेको थियो। शेयर निष्काशन तथा बिक्री प्रबन्धक प्रभु क्यापिटल लिमिटेड हो।

अहिले कम्पनीको चुक्ता पूँजी एक अर्ब ६७ करोड ४० लाख रुपैयाँ रहेको छ। हकप्रदपछि चुक्ता पूँजी तीन अर्ब १ करोड ३२ लाख रुपैयाँ पुग्छ।