काठमाडौं– स्वास्थ्य तथा जनसंख्यामन्त्री प्रदीप पौडेलले वीर अस्पतालको आकस्मिक कक्ष (इमर्जेन्सी) मा ७२ शैया थप्न लागिएको बताएका छन् ।

सोमबार मन्त्रालयमा आयोजित पत्रकार सम्मेलनमा सञ्चारकर्मीले ‘वीर अस्पतालमा बोल्दै मन्त्री पौडेलले वीर अस्पतालको सबैभन्दा अव्यवस्थित इमर्जेन्सी कक्ष रहेकाले ७२ बेड थप्न लागिएको बताए ।

अस्पतालको सेवा सुधारका लागि मदन उपाध्यायको संयोजकत्वमा समिति बनाइएको र उक्त समितिले तयार पारेको प्रतिवेदनको आधारमा काम भइरहेको उनले बताए । 

‘सरकारी अस्पतालप्रति जनताको विश्वास छ । तर, त्यसलाई व्यवस्थित गर्न सकिँदैन । धेरै कुरा सुधार भएका छन्,’ मन्त्री पौडेलले भने, ‘तर, अस्पतालमै सेवा व्यवस्थित गरियो भने मात्रै जनतालाई अनुभूति हुने रहेछ । अनुभूति गराउन समय लाग्छ ।’