काठमाडौं– इरानका विदेशमन्त्री अब्बास अरागचीले इरानी जनतामाथि जारी बमबारीका बीच अमेरिकासँग वार्ताको कुनै सम्भावना रहेको बताएका छन् । 

इस्तानबुलमा पत्रकारहरूसँगको कुराकानीमा उनले भने, ‘हाम्रा नागरिक बमबारी झेलिरहेका छन् । हामी यस्तो अवस्थामा अमेरिकासँग कुनै पनि प्रकारको वार्ता गर्न सक्दैनौँ ।’ 

विदेशमन्त्री अब्बास अरागचीले सुरुवातबाट नै अमेरिका इरानमाथि भइरहेको आक्रमणमा सामेल भएको पनि दाबी गरे । यद्यपि, उनले आफ्नो दाबी पुष्टि हुने गरी कुनै प्रमाण पेस भने नगरेको बीबीसीले जनाएको छ ।

अब्बासले कुराकानीका क्रममा कूटनीतिक छलफलका लागि भने इरान तयार रहेको पनि बताए । इजरायल र इरानबीच जारी युद्धमा अमेरिकाका तर्फबाट हुने कुनै पनि हस्तक्षेप खतरनाक साबित हुने चेतावनी पनि दिए ।