काठमाडौं– राष्ट्रिय स्वतन्त्र पार्टी (रास्वपा)का सांसदहरू संसद् बैठकबाट बाहिरिएका छन् । 

मन्त्रालयगत विनियोजित बजेटमाथिको छलफलका लागि सभामुखले दलीय आधारमा अगाडि बढाउँदै गर्दा रास्वपाका सांसदहरू बैठकबाट बाहिरिएका हुन् । 

जसअन्तर्गत सभामुखले सत्ता साझेदार नेपाली कांग्रेसका प्रवक्ता रहेका संसद डा. प्रकाशशरण महतलाई १८ मिनेटको समय उपलब्ध गराएका थिए । 

समय पाएपछि रोष्ट्रममा पुग्दै गर्दा रास्वपाका सांसदहरू वेलबाट बाहिरिन सुरु गरेका थिए । 

उनीहरू बाहिरिन थालेपछी सांसद महतले रोष्ट्रमबाट भने, ‘सभामुख महोदय, लगातार उभिन गाह्रै हुन्छ ।’ 

यसअघि रास्वपाका सांसदहरू वेल घेराउ गरेर चुपचाप उभिइरहेका थिए । उनीहरूले शुक्रबारको बैठक अवधिभर पुस्तक अध्ययन गरेका थिए ।