काठमाडौं– राष्ट्रिय स्वतन्त्र पार्टी (रास्वपा)ले तीनकुने घटनामा निधन भएका पत्रकार सुरेश रजकको परिवारलाई आर्थिक सहयोग गरेको छ । 

रास्वपाले पार्टीको तेस्रो स्थापना दिवसको अवसरमा रजकको परिवारलाई तीन लाख रुपैयाँ सहयोग गरेको हो । 

गत चैत १५ मा तीनकुने घटनामा मृत्यु भएका पत्रकार रजकको परिवारलाई तेस्रो स्थापना दिवसको दिन तीन लाख मानवीय सहयोग गरेको नवनियुक्त प्रवक्ता मनिष झाले जानकारी दिए । 

उनले एक्स पोस्टमा लेखेका छन्, ‘आगामी दिनमा पत्रकारको सुरक्षा प्रति राज्य संयन्त्र, राजनीतिक दल र आन्दोलनकारी जिम्मेवार रहन (रास्वपा) माग गर्दछ ।’

झाका अनुसार चेक हस्तातरण गर्न रास्वपाका नवनियुक्त महामन्त्री कविन्द्र बुर्लाकोटी, कोषाध्यक्ष लिमा अधिकारी र कोष व्यवस्थापन विभागका सदस्य जगदीश खरेल स्व। पत्रकार रजकको घर पुगेका थिए ।