काठमाडौं – जापानी जलक्षेत्रनजिकै चीनले नौसैनिक गतिविधि बढाएपछि पूर्वी एशियामा तनाव उत्पन्न भएको छ । पछिल्लो समय जापानी सार्वभौमिकतामा रहेको योनागुनी टापु क्षेत्रमा चिनियाँ नौसैनिक गतिविधि बढ्दै गएको छ ।

चीनले सो क्षेत्रमा नौसैनिक पहिचान अंकित गर्नका लागि भौतिक चिन्ह स्थापित गरेको छ । हङकङ पोस्टका अनुसार यसलाई लिएर जापानले आपत्ति जनाएको छ ।

सो क्षेत्रमा नौसैनिक निगरानी र जासुसी गतिविधि बढाउनका लागि चीनले यस्तो भौतिक चिन्ह राखेको सैनिक विश्लेषकहरु बताउँछन् । सो क्षेत्रमा चिनियाँ नौसैनिक युद्धपोतको गतिविधि पनि बढ्दै गएको छ ।

सन् २०२२० मा सो क्षेत्रमा एउटा पनि चिनियाँ युद्धपोत देखा परेको थिएन । तर सन् २०२४ मा त्यहाँ १८ वटा चिनियाँ युद्धपोत पुगेको जनाइएको छ ।

योनागुनी टापु क्षेत्र ताइवानसँगको सीमानजिकै पर्छ । चीनले नौसैनिक गतिविधि बढाएपछि जापानले पनि सैनिक अवस्थिती सुदृढ बनाउँदै लगेको छ ।