कियभ- युक्रेनका राष्ट्रपति भ्लोलोदिमिर जेलेन्स्कीले डोनाल्ड ट्रम्प दोस्रो पटक अमेरिकी राष्ट्रपति बनेपछि मुख खोलेका छन्।

ट्रम्पले राष्ट्रपतिको शपथ लिएपछि जेलेन्स्कीले भने, ‘उनी शक्तिशाली व्यक्ति हुन् । म राष्ट्रपति ट्रम्प र पूरा अमेरिकालाई सफलताको शुभकामना दिन्छु ।’

जेलेन्स्कीले शान्तिसम्मको यात्राका लागि युक्रेनी जनता अमेरिकासँग मिलेर काम गर्न तयार रहेको बताए । ‘शान्तिसम्म पुग्नका लागि युक्रेनका जनता अमेरिकासँग मिलेर काम गर्न तयार छन् । हामीमाझ आएको यो अवसरलाई निश्चित रुपमा लाम उठाउनु आवश्यक छ ।’
“
जेलेन्स्कीले सामाजिक सञ्जाल एक्समा भनेका छन्, ‘म राष्ट्रपति ट्रम्प र अमेरिकी जनतालाई उनीहरूका ४७ औँ राष्ट्रपति बनेकोमा बधाई दिन्छु । आज विश्वजगतमा परिवर्तन र भौगोलिक चुनौतीसहित कयौँ समस्यालाई लिएर गरिएका संकल्पका लागि आशाको दिन हो ।’

यसअघि चुनावी अभियानकै क्रममा डोनाल्ड ट्रम्पले कयौँ पटक रूस-युक्रेन युद्ध समाप्त गर्ने बताइसकेका छन् । यस्तोमा युक्रेनलाई अमेरिकी सहयोग बन्द हुने डर छ ।