काठमाडौं– रुसी विदेशमन्त्री सर्गेई लाभ्रोभले राजधानी मस्कोमा भारतीय समकक्षी एस जयशङ्करसँग भेटवार्ता गरेका छन् ।
भेटवार्ताका क्रममा दुई देशका विदेशमन्त्रीबीच वर्तमान र भविष्यमा हुने राजनीतिक सहकार्यका विषयमा छलफल भएको छ ।
रुसी विदेश मन्त्रालयकी प्रवक्ता मारिया जाखारोभालाई उद्धृत गर्दै रुसको तास समाचार संस्थाले जनाए अनुसार भेटवार्ताका क्रममा द्विपक्षीय साझेदारीका विषय र क्षेत्रीय एवम् विश्वव्यापी घटनाक्रमबारे पनि छलफल भएको छ ।
खासगरी शाङ्घाइ सहयोग संगठन, ब्रिक्स, संयुक्त राष्ट्रसंघ र जी२० जस्ता मञ्चमा सहकार्यबारे पनि दुई मन्त्रीले छलफल गरेका छन् ।
प्रतिक्रिया