काठमाडौं – नेपाल प्रिमियर लिग (एनपीएल) अन्तर्गत बिहीबार लुम्बिनी लायन्सविरुद्धको खेलमा चितवन राइनोजले चार महत्वपूर्ण विकेट गुमाएको छ ।

यससँगै चितवनको ब्याटिङ संकटतिर धकेलिएको छ । १५ ओभरको दोस्रो बलमा चितवनले कप्तान कुशल मल्ललाई चौथो विकेटका रुपमा गुमाएको हो ।

उनी रुबेन ट्रम्पेलम्यानको बलमा सन्दीप जोराको हातबाट क्याच आउट भए । हाल चितवन १६ ओभरमा चार विकेटको क्षतिमा ९५ रनको दयनीय अवस्थामा छ । यसअघि रुबेनकै बलमा चितवनका ओपनर डेविड मलान आउट भएका थिए ।

अर्का ओपनर दीपक बोहोरा र ब्याटर देव खनालाई लुम्बिनीका अविषेक गौतमले आउट गराएका हुन् । आउट हुनेमध्ये सबैभन्दा बढी रन बनाउने कुशल हुन् । उनले १८ बलमा २१ रन जोडेका थिए ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर चितवनले पहिला ब्याटिङको निम्तो पाएको हो । चितपनका रवि बोपाराले ब्याटिङ उकास्ने प्रयास भने गरिरहेका छन् उनले अर्धशतक प्रहार गरेका छन् ।