काठमाडौँ– जेन-जी आन्दोलनबाट चर्चामा आएका सुदन गुरुङ नेतृत्वको हामी नेपाल संस्थाले नेकपा एमालेका नेता महेश बस्नेतलाई झुठो बोल्ने व्यक्तिको संज्ञा दिएको छ।

बस्नेतले शुक्रबार एमाले मुख्यालय च्यासलमा आयोजित संविधान दिवस मनाउने कार्यक्रममा हामी नेपालका संयोजक सुदन गुरूङ पार्टीमा आउने गरि कुरा भइरहेको बताएका थिए ।

बस्नेतको उक्त दाबीपछि हामी नेपालले फेसबुकमार्फत् धारणा सार्वजनिक गर्दै सुदनले बस्नेतसँग कहिल्यै कुरा नगरेको भनेको छ।

यससँगै भविष्यमा कहिल्यै पनि बस्नेतसँग कुरा नहुने दाबी गरिएको छ। हामी नेपालले बस्नेतलाई नचिनेको र सम्मान पनि नगर्ने जनाएको छ।

महेशलाई अफवाह फैल्याउन बन्द गर्न पनि हामी नेपालले चेतावनी दिएको छ । बस्नेतको पछिल्लो गतिविधिले जेन–जी आन्दोलनमा त्याग र बलिदानी गरेकाको अपमान भएको उसले जनाएको छ।