काठमाडौं– नेपाली कांग्रेसको भ्रातृ संगठन नेपाल तरुण दलले असार १५ गतेपछि मात्रै जिल्ला अधिवेशन गर्न निर्देशन दिएका छन् । 

अध्यक्ष विद्धान गुरुङले मातहतलाई परिपत्र गर्दै असार १५ गतेसम्म सदस्यता वितरण गरी सकेपछि मात्रै अधिवेशन गर्न जिल्ला कार्यसमितिहरूलाई निर्देशन दिएका हुन् । 

‘दलका जिल्ला कार्यसमितिहरूले अधिवेशन हुन बाँकी आ–आफ्ना जिल्लाका वडा, पालिका, प्रदेशसभा क्षेत्र, प्रतिनिधिसभा क्षेत्रहरूमा सदस्यता लिन छुट भएका तरुण साथीहरूलाई ध्यानमा राखी २०८२ साल असार १५ गते सम्म सदस्यता वितरण गरी त्यसपछि मात्र अधिवेशन गर्न निर्देशन गरिन्छ,’ दुई बुँदे परिपत्रमा भनिएको छ । 

उनले तरुण दलको पाँचौँ महाधिवेशनका लागि जिल्लामा गरिएका अधिवेशनका कार्यहरू निरन्तर अघि बढाउन र अपुग आवश्यक सदस्यता फारमहरू केन्द्रीय कार्यालयबाट लैजान पनि भनेका छन् ।