काठमाडौं– प्रतिपक्षी राष्ट्रिय स्वतन्त्र पार्टी (रास्वपा) का सांसदहरू शुक्रबार पनि प्रतिनिधिसभा बैठकमा कालो कपडा र नीलो स्कार्फ पहिरिएर उपस्थित भएका छन् । गत मंगलबारको बैठकमा सत्तारुढ नेपाली कांग्रेसले आपत्ति जनाए पनि उनीहरू शुक्रबार फेरि नीलो स्कार्फ लगाएर उपस्थित भएका हुन् । 

प्रतिपक्षी रास्वपाका सांसदहरू नीलो स्कार्फ पहिरिएर सदनमा उपस्थित भएपछि कांग्रेसले नियमापत्ति जनाएको थियो । 

नियमापत्ति जनाउने क्रममा कांग्रेसका प्रमुख सचेतक श्यामकुमार घिमिरेले नीलो स्कार्फ पहिरिएर संसद्‌मा उपस्थित भएका रास्वपाका सांसदहरूलाई बैठकबाट निष्कासन गर्न माग गरेका थिए । 

उनले प्रतिनिधिसभा नियमावली २०७५ को परिच्छेद ६ को ३० मा अभद्र व्यवहार नियन्त्रणको व्यवस्था रहेको स्मरण गराएका थिए ।
त्यसपछि उनीहरू बिहीबारको बैठकमा नीलो स्कार्फ बिना नै उपस्थित भएका थिए ।