दोहा – बेलायत, फ्रान्स र क्यानडाका नेताले गाजमा जारी आक्रमणलाई तत्काल रोक्नुपर्नेमा जोड दिएका छन्। इजरायलले अटेर गरेमा प्रतिबन्ध लगाउनु पर्ने समेत ती देशका नेताले बताएका छन्।

शनिबार कतारको दोहामा हमास र इजरायली प्रतिनिधिबीच अप्रत्यक्ष वार्ता सुरु भइसकेको छ। यस बिचमा पनि इजरायलले हवाई छाडेर जमिन आक्रमणलाई निरन्तरता दिएको छ। साथमा राहत वितरणमा पनि अझै अवरोध सिर्जना गरेको छ।

उता यो अपरेसन भइरहेको समयमा अमेरिकी राष्ट्रपति डोनाल्ड ट्रम्प भने मध्यपूर्वको भ्रमण सकाएर फर्किएका छन्। इजरायली सेनाले ‘गाइडिन चारिओटस’को नाममा भएको सो अपरेसनको लक्ष्य हमासलाई निर्मूल नै पार्ने भएको जनाएको छ। हमासले सबै बन्दी रिहा नगरेसम्म यो आक्रमण जारी राख्ने हमासले जनाएको छ।

मे ५ का दिन इजरायलको सुरक्षा परिषद्ले यो अपरेसनको निर्णयलाई स्वीकार गरेको थियो। सोमबार भने नेतान्याहुले सो योजनाको लक्ष्य गाजाका बाँकी रहेका क्षेत्रलाई नियन्त्रणमा लिने बताएका छन्। बिहीबार सुरु भएको सो अपरेसनका कारण चार सय जनाको ज्यान गइसकेको छ।