काठमाडौं – भरतपुरस्थित वीपी कोइराला मेमोरियल क्यान्सर अस्पतालमा कार्यरत कर्मचारी अमृता कोइरालाले औषधि खरीदकर्ताबाट ६ लाख रुपैयाँ घुस खाएको पुष्टि भएको छ ।

औषधि खरीदकर्तालाई अस्पतालका तर्फबाट भुक्तानी दिनुपर्ने रकम मिलाइदिएवापत उनले नगद र चेकबाट घुस लिएको पुष्टि हुन आएको विशेष अदालत काठमाडौंले जनाएको छ ।

विशेष अदालतले विहीबार फैसला सुनाउँदै कोइरालालाई ६ लाख रुपैयाँ बिगो तोक्नुका साथै डेढवर्ष जेल सजायँ तोकेको छ ।

अस्पतालकी लेखा अधिकृत रहेकी कोइरालाले आफू चढ्ने स्कुटीमा डेढ लाख रुपैयाँ राखेको र नारायण डेभलपमेन्ट बैंकमा साढे ४ लाख रुपैयाँ जम्मा गरेको अख्तियार दुरुपयोग अनुसन्धान आयोगले फेला पारेको थियो ।

घुस रकम र औषधि बिक्रेतासँगको १७ कल फोन सम्वादका आधारमा विशेष अदालतले कोइरालाको अपराध पुष्टि गरेको हो ।

हेर्नुहोस् विशेष अदालतको फैसला –