काठमाडौं– त्रिभुवन विश्वविद्यालयको केन्द्रीय क्याम्पसमा हुने भनिएको स्वतन्त्र विद्यार्थी युनियन (स्ववियु) निर्वाचन स्थगित भएको छ ।
निर्वाचन अधिकृत प्रा.डा. कृष्णप्रसाद न्यौपानेले सूचना जारी गर्दै शुक्रबारका लागि तय भएको निर्वाचन स्थगित भएको जनाएका हुन् ।
सूचनामा उच्च अदालत पाटनले जारी गरेको अन्तरिम आदेशको छलफलको टुंगो नलागेसम्म निर्वाचन कार्यक्रम स्थगित गरिएको उल्लेख छ ।
नेपाल विद्यार्थी संघ (नेविसंघ) क्याम्पस इकाई सभापति विष्णुबहादुर बडैलाले निर्वाचन समितिलाई विपक्षी बनाएर दिएको रिटमाथि सुनुवाइ गर्दै अदालतले अन्तरिम आदेश जारी गरेको छ ।
प्रतिक्रिया