काठमाडौं– प्रधानमन्त्री केपी शर्मा ओलीले जलन पीडितहरूको उपचार र पुनर्स्थापनाका लागि सरकार संवेदनशील रहेको बताएका छन् ।
प्रतिनिधि सभाको बिहीबारको बैठकमा सांसदहरूले गरेका प्रश्नको जवाफ दिने क्रममा उनले जलन पीडितहरूको उपचार र पुनर्स्थापनाका लागि सरकार संवेदनशील रहेको बताएका हुन् ।
‘तेजाव र अन्य घातक रासायनिक पदार्थ (नियमन) ऐन, २०७९ ले यस सम्बन्धमा पर्याप्त व्यवस्था गरेको व्यहोरा जानकारी गराउँछु,’ प्रधानमन्त्री ओलीले भने ।
जलन पीडितहरूको उपचार, पुनर्स्थापना तथा अधिकार सम्बन्धमा संसद्मा दर्ता भएको निजी विधेयकमा रहेका प्रावधानका सम्बन्धमा सदन वा सम्बन्धित समितिमा हुने छलफलका क्रममा सरकारले आफ्नो धारणा राख्ने उनले बताए ।
प्रतिक्रिया