काठमाडौं – गत सिजनको आइपिएलको पावर प्लेमा सबै भन्दा कम रन रेट भएको गुजरातले यस सिजनमा नीति बदल्ने भएको छ।

फ्रेन्चाइजका कप्तान शुभमन गिलले पावर प्लेलाई गुजरातले अत्यधिक उपयोग गर्ने बताए। उनको स्ट्राइक रेट १३१.०८ थियो। उनको साथी साइ सुदर्शनको स्ट्राइक रेट ११५.४९ थियो। सो रेट १५० रन भन्दा बढी प्रहार गर्ने मध्य सबैभन्दा कम हो।

बुधबार भएको प्रिसिजन पत्रकार सम्मेलनमा उनले भने, ‘पहिलो पावर प्लेमा सकेसम्म धेरै रन प्रहार गर्ने र विकेट नगुमाउने टोलीको लक्ष्य हुनेछ,’ सुदर्शनले भने।

गत सिजनमा हाई स्कोरिङ खेल धेरै भएका थिए। ८ पारी २५० रन भन्दा बढी प्रहार भएका थिए। गिलको नजरमा यस सिजन त्यस्तो नहुनसक्छ। उनले केही खेलमा २४० देखि २६० सम्मको रन प्रहार हुने सम्भावना भए पनि अहिलेको अवस्थामा १५० या १६० को योगफल प्रतिस्पर्धात्मक हुने बताए।

नेतृत्व क्षमताको दिनदिनै विकास गरेका गिल भर्खरै च्याम्पियन्स ट्रफी विजेता भारतीय टोलीको उपकप्तान हुन्। सन् २०२३ को सिजनमा नौ सय को हाराहारीमा रन प्रहार गरेका गिलले दोस्रो सिजनमा भने फर्म गुमाएका थिए। गत सिजनमा प्ले अफमा प्रवेश नपाए पनि पछिल्लो तीन वर्षमा गुजरातले सबै भन्दा धेरै २८ खेल जितेको छ।