काठमाडौं – यस सिजन खराब लयमा रहेको म्यानचेस्टर सिटीले वास्तविक फर्ममा फर्किएको आभास दिलाएको छ। आइतबार राति भएको इङ्लिस प्रिमियरसिपको खेलमा इप्सविचलाई ६-० ले हरायो।

सिटीका फिल फोडेनले सानदार प्रदर्शन गर्दै २ गोल गरे भने एक एसिस्ट गरे। २८ औँ मिनेटमा केभिन डे ब्रायनको पासमा उनले पहिलो गोल गरेका थिए। त्यसको तीन मिनेटपछि माटियो कोभासिकले अर्को गोल गरे। कोभासिकलाई पनि फोडेनले गोलको अवसर सृजना गरी दिएका थिए।

पहिलो हाफ सकिन तीन मिनेट बाँकी रहँदा डे ब्रायनको पासमा फोडेनले अर्को गोल गरे। दोस्रो हाफको सुरुवातमा नै जेरेमी डोकुले गोल गरे। यउसका लागि एर्लिङ हलान्डले अर्को गोल थपे। जेम्स म्याक एटीले अन्तिम गोल गरे।

सिटी ३८ अङ्क सहित तालिकाको चौथो स्थानमा उक्लेको छ भने इप्सविच भने १६ अङ्कका साथ १८ औं स्थानमा छ।