काठमाडौं – विश्वकप छनोट अन्तर्गत गएराति भएको खेलमा बेल्जियमले गोलको वर्षा गरेको छ। लिक्टेनस्टाइनविरुद्ध गोलको वर्षा गर्दै बेल्जियमले ७-० को शानदार जित निकालेको हो।

समूह ‘जे’ अन्तर्गतको अन्तिम खेलको सुरुवातदेखि नै अग्रता कायम गरेको बेल्जियमले ऐतिहासिक जित निकालेको हो। यो जितसँगै बेल्जियमले विश्वकप २०२६ मा स्थान पक्का गरेको छ।

खेलको तेस्रो मिनेटमा हान्स भानाकेनको गोलको अग्रता लिएको बेल्जियमका लागि ३४ र ४१ मिनेटमा जेरमी डोकुले दुई गोल गरेका थिए। पहिलो हाफमा ३–० ले अगाडि रहेको बेल्जियमले दोस्रो हाफमा चार गोल गरेको हो।

दोस्रो हाफको ५२ मिनेटमा ब्रान्डोन, ५५ मिनेटमा अलेक्सिस साएलेमेर्स, ५७ र ५९ मिनेटमा चाल्र्स डे केटेलाएरले दुई गोल गर्दै बेल्जियमलाई शानदार जित दिलाएका हुन्।

बेल्जियमविरुद्ध लिक्टेनस्टाइनको भने कुनै सीप चलेन।