काठमाडौं– संविधान दिवसको अवसरमा सम्पूर्ण ज्ञात अज्ञात सहिदहरूको सम्झना अनेरास्ववियुले दीप प्रज्वलन गरेको छ ।

शुक्रबार काठमाडौंको वाल्मीकि विद्यापिठमा दीप प्रज्वलन गरेको हो । नेकपा एकीकृत समाजवादीका पोलिटब्युरो सदस्य जीवन राईको प्रमुख अतिथि रहेको कार्यक्रममा अनेरास्ववियुका केन्द्रीय अध्यक्षसहित नेता कार्यकर्ताको उपस्थिति रहेको थियो ।

कार्यक्रमलाई सम्बोधन गर्दै प्रमुख अतिथि राईले सबैले संविधानको मर्म र भावना अनुसार काम गर्नुपर्ने बताए । 

उनले भने, ‘दायित्व रहेको साथै हामीले नयाँ पुस्तालाई पनि यो संविधानको महत्त्वको विषय बुझाउनुपर्ने जरुरी छ ।’   

गत हप्तामात्र जेन-जी आन्दोलनमा ज्यान गुमाउने सम्पूर्णलाई श्रद्धा सुमन अर्पण साथै उनीहरूको त्यागको कदर हुनुपर्ने घाइते सम्पूर्णको शीघ्र स्वास्थ्य लाभको कामना र उचित व्यवस्थापनको कुरा राख्दै दीप प्रज्वलन गरी कार्यक्रम समापन गरेको उपाध्यक्ष अशोक थापाले जानकारी दिए ।