काठमाडौं- स्कटल्याण्डमा जारी त्रिदेशीय टी-ट्वान्टी आई सिरिजअन्तर्गत बुधबार नेदरल्याण्ड्सविरुद्ध हुन लागेको खेलमा नेपालले टस जितेको छ ।

नेपालका कप्तान रोहितकुमार पौडेलले स्कटल्याण्डको ग्लासगोमा टस जितेर पहिले बलिङमा जाने निर्णय लिएका हुन् ।

नेपाली टोलीमा मंगलबार स्कटल्याण्डविरुद्ध उत्रिउका ३ खेलाडीलाई आराम दिइएको छ। स्कटल्याण्डविरुद्ध खेलेका किरण ठगुन्ना, बसिर अहमद र अनिल साह बेन्च बसेका छन् । प्रशिक्षकले भीम सार्की, आरिफ शेख र आसिफ शेखलाई अवसर दिएका छन् ।

नेपालले यसअघि २ मध्ये १ मा जित र १ मा हार भोगेर २ अंकसहित तालिकाको तेस्रो स्थानमा छ । सिरिजको अन्तिम खेल खेलिसकेको नेदरल्याण्ड्स ४ अंकसहित शीर्षमा छ ।

सिरिजको पहिलो खेला सोमबार नेदरल्याण्ड्सले नेपाललाई तेस्रो सुपर ओभरमा हराएको थियो ।

अब नेपालले सिरिजको अन्तिम खेल शुक्रबार स्कटल्याण्डसँग खेल्नेछ । डबल राउण्ड रोबिन लिगपछि शीर्ष टोली च्याम्पियन हुनेछ ।

नेपाली टोली

कुशल भुर्तेल, लोकेश बम, आसिफ शेख, भीम सार्की, रोहित पौडेल (कप्तान), दीपेन्द्रसिंह ऐरी, आरिफ शेख, करण केसी, रुपेश सिंह, सन्दीप लामिछाने र ललितनारायण राजवंशी ।