काठमाडौं– वैदेशिक रोजगारका ठगहरूले सरकारकै मिलेमतोमा लुटको आतङ्क मच्चाएको आम जनता पार्टीका अध्यक्ष प्रभु साहले आरोप लगाएका छन् ।

वैदेशिक रोजगारमा ठगिएका युवाले आफ्नो पैसा कहिले फिर्ता पाउने भन्दै पूर्वमन्त्रीसमेत रहेका अध्यक्ष साहले सरकारसँग जवाफ माग गरे ।

आजपा केन्द्रीय कार्यालय कोटेश्वरमा शनिबार आयोजित कार्यक्रमलाई साहले म्यानपावरले प्रतिव्यक्ति १० हजार रुपैयाँभन्दा बढी सेवा शुल्क लिन नपाउने कानूनी व्यवस्था हुँदाहुँदै लाखौँ असुली रहेको बताए ।

अध्यक्ष साहले प्रश्न गरे, ‘के यो कुरा दुई तिहाइ बहुमतको शक्तिशाली सरकारलाई थाहा छैन ?’

अहिले नेपाली कांग्रेस र नेकपा (एमाले) को झन्डै दुई तिहाइ बहुमतको शक्तिशाली सरकार भएको बताउँदै साहले प्रधानमन्त्री केपी शर्मा ओलीलाई लक्षित गर्दै प्रश्न गरे, ‘वैदेशिक रोजगारमा ठगिएका युवाले कहिले पैसा फिर्ता पाउँछन् ?’

जनताको समस्या,चाहना,आवश्यकता पुरा गर्न असफल भएको सरकार कसरी हुन्छ लुट धन्दामा लागेको टिप्पणी उनले गरे ।