काठमाडौं– साताको चौथो दिन पनि नेपाल स्टक एक्सचेन्ज (नेप्से) घटेको छ । आइतबारदेखि नियमित ओरालो लागेको नेप्से बुधबार भएको कारोबारमा १४.८८ अंकले घट्न पुग्यो ।

बुधबार नेप्सेमा ५ अर्ब १४ करोड ३९ लाख ९७ हजार ६४३ रुपैयाँ बराबरको कारोबार हुँदा नेप्से घटेर २६८२.१५ अंकमा पुगेको छ । आजको शेयर कारोबारमा १८३ वटा कम्पनीको शेयर मूल्यमा गिरावट आयो भने ५३ वटा कम्पनीको शेयर मूल्य भने वृद्धि भयो । 

त्यस्तै, आजको शेयर कारोबारमा ७ वटा कम्पनीको शेयर मूल्य भने स्थिर रहेको छ । आजको  शेयर कारोबारमा महिला लघुवित्त वित्तीय संस्थाको शेयर कारोबार गर्नेले सबैभन्दा धेरै नाफा आर्जन गरेका छन् भने सामुदायिक लघुवित्त वित्तीय संस्थाको शेयर कारोबार गर्नेले सबैभन्दा धेरै गुमाएका छन् ।

नेप्से घटेसँगै होटेल, म्यूचुअल फन्ड र व्यापार बाहेक सबै उपसमूहको सूचक पनि घटेको छ ।