जनकपुरधाम– निजामती कर्मचारीहरूको राष्ट्रिय स्तरको ट्रेड युनियन नेपाल मधेशी निजामती कर्मचारी मञ्चको चौथो महाधिवेशन स्थगित भएको छ । 

मञ्चले परिपत्र जारी गर्दै पूर्वनिर्धारित मिति २०८१ चैत ७–९ गतेका लागि तय गरिएको महाधिवेशन आन्तरिक व्यवस्थापन तथा जिल्ला र विभागीय अधिवेशनहरू पूरा नभएको कारण सारिएको जनाएको छ ।

मञ्चका अनुसार, अब महाधिवेशन २०८२ वैशाख ५–७ गते जनकपुरधाममै सम्पन्न गरिने छ। आवश्यक तयारी पूरा गर्दै निर्धारित नयाँ मितिमा सफलतापूर्वक महाधिवेशन सम्पन्न गर्ने लक्ष्य रहेको मञ्चले जनाएको छ ।

मधेशी निजामती कर्मचारीहरूको हक, हित तथा अधिकारका लागि क्रियाशील यस मञ्चको महाधिवेशनमा संगठनको भावी नेतृत्व चयन, नीति निर्माण तथा रणनीतिक योजनाहरू तय गरिनेछ ।