काठमाडौं– पछिल्लो समय राजतन्त्र पुर्स्थापनाको आवाज चर्किरहेका शेला पूर्वराजा शाह ज्ञानेन्द्र शाह पुर्ख्यौली थलो गोरखा जाने भएका छन् ।

उनी शाह वंशीय राजतन्त्रको उद्गमथलो गोरखा पुगेर मनकामनासहित मठमन्दिरमा पूजाअर्चना गर्ने भएका छन ।

शाहका संवाद सचिव डा. फणीराज पाठकले बुधबार सूचना जारी गर्दै यसैसाता पूर्वराजा शाह गोरखनाथ, गोरखकाली र मनकामना मन्दिरमा पूजाअर्चना गर्न जान लागेको जानकारी गराएका छन ।

गत फागुन २५ गते भएको प्रदर्शनबाट हौसिएका पूर्वराजा शाह र राजावादीहरूका गतिविधिले राष्ट्रिय-अन्तराष्ट्रिय चर्चा पाइरहेको छ ।

उनको गतिविधिलाई लिएर प्रधानमन्त्री केपी शर्मा ओली र पूर्वप्रधानमन्त्री पुष्पकमल दाहाल प्रचण्डले गालीगलौजसहित आक्रमक टिप्पणी गरिरहेका छन् ।