काठमाडौं- नेकपा एमालेको एघारौँ महाधिवेशनबाट निर्वाचित १९ पदाधिकारीमध्ये उपाध्यक्ष पृथ्वी सुब्बा गुरुङले सबैभन्दा धेरै मत ल्याएका छन्। उनले १७३७ मत प्राप्त गर्दै अध्यक्षसहित अन्य सबै पदाधिकारीलाई पछि पारेका छन्।

अध्यक्ष केपी शर्मा ओली १६६३ मतसहित तेस्रो स्थानमा रहँदा उपाध्यक्ष विष्णुप्रसाद पौडेल १६७५ मतसहित दोस्रो स्थानमा छन्। उपाध्यक्ष रामबहादुर थापा ‘बादल’ १५१६ मतका साथ चौथो स्थानमा छन्।

उपमहासचिवतर्फ लेखराज भट्टले १४५२ मत ल्याएर बलियो उपस्थिति देखाएका छन्। रघुवीर महासेठ र गोकर्णराज विष्टले समान १३६८ मत प्राप्त गरेका छन्। महासचिव शंकर पोख्रेल १२२८ मतका साथ शीर्ष १० भित्र परेका छन्।

मत परिणामले पार्टीभित्र कुन नेतामा कति जनसमर्थन छ भन्ने चित्र स्पष्ट पारेको नेताहरूको टिप्पणी छ।

धेरै मत ल्याउने शीर्ष १० पदाधिकारी

१. पृथ्वी सुब्बा गुरुङ (उपाध्यक्ष) – १७३७
२. विष्णुप्रसाद पौडेल (उपाध्यक्ष) – १६७५
३. केपी शर्मा ओली (अध्यक्ष) – १६६३
४. रामबहादुर थापा ‘बादल’ (उपाध्यक्ष) – १५१६
५. लेखराज भट्ट (उपमहासचिव) – १४५२
६. रघुवीर महासेठ (उपमहासचिव) – १३६८
७. गोकर्णराज विष्ट (उपाध्यक्ष) – १३६८
८. योगेश भट्टराई (उपमहासचिव) – १३४८
९. शंकर पोख्रेल (महासचिव) – १२२८
१०. रघुजी पन्त (उपाध्यक्ष) – १२५८